Aurkezpena

HURRENGO EDIZIOA 2025KO URRIAN HASIKO DA.

Presta zaitez etorkizuneko Komunikazio Gastronomikoaren liderretako bat izateko.

Master honekin, kazetaritza eta komunikazio gastronomikoan espezializatutako profesional gisa trebatuko zara. Eduki eta ekimen gastronomikoak ikuspegi global eta garaikidearekin diseinatzen, ekoizten eta sustatzen ikasiko duzu.

Gastronomiak azken urteotan izan duen gorakada handia dela eta, beharrezkoak dira gastronomiaren komunikazio estrategikoan, kazetaritzako azken joeretan, hedabide digitaletan eta proiektu gastronomikoen kontzeptualizazioan espezializatutako ezagutzak dituzten profesionalak, komunikazioaren alorrekoak.

Master honek balio bereizgarria emango dizu komunikazio gastronomikoaren egungo ekosisteman, komunikabide tradizionalen sektorean, hedabide berrietan, jatetxeetan, komunikazio-agentzietan, argitaletxe espezializatuetan, enpresetan, erakunde publikoetan eta beste esparru batzuetan.

Modalitatea: Erdipresentziala

Iraupena: 10 hilabete(online prestakuntzako 6 hilabete, prestakuntza presentzialeko 1 hilabete, eta praktiketako 3 hilabete). 60 ECTS – 1.500 ordu

Diploma: Master hau Mondragon Unibertsitatearen berezko titulu bat da, eta Basque Culinary Centerren Gastronomia Zientzien Fakultateak ematen du.

MASTERRAREN HELBURUAK

• Etengabe bilakatzen ari den eta komunikazioak funtsezko rola duen sektore batean trebatzea.
• Sektorea alderdi guztietatik ezagutzea, eta ikuspegi kritiko eta propioa hartzea, lana ikuspegi estrategiko eta globalean oinarrituta gauzatzeko.
• Sektorearen errealitatea ezagutzea, sektorean lider diren hedabideetan –hala nola Eater-en edo The Guardian-en– lan egiten duten profesionalen esperientziaren bidez.
• Sektorean erreferenteak diren profesionalen kontaktu-sare bat ezartzea. Basque Culinary Centerren ekosistemaren parte izango zarenez, Fakultateko ekitaldietan parte hartzeko aukera izatea eta erreferenteak diren profesionalen harreman-sare bat ezartzea.
• Zure neurrira diseinatutako praktiken bidez lan-mundura sartzea.
• Zure ikaskuntza aberastea eta praktikan jartzea, Basque Culinary Center-en hilabeteko murgiltze-egonaldian zehar egingo diren dinamika, tailer eta bestelako esperientzien bidez.

Gure lehentasuna zure ongizatea da, eta zure ikaskuntza-esperientzia ingurune seguru batean gauzatzea. Bizi ezazu ikaskuntza-esperientzia eraldatzaile, berritzaile eta seguru bat.

Ezagutu COVID 19 neurriaketa kontsultatu ohiko galderak HEMEN.

Gu prest gaude, eta, zu?

Informazio gehiago behar al duzu? Idatz iezaguzu informazio gehiago eskatzeko formularioaren bidez edo bidali email bat cursos@bculinary.com helbidera, eta behar duzun guztiaren berri emango dizugu inolako konpromisorik gabe.

10+1 arrazoi

ZERGATIK EGIN BEHAR ZENUKE MASTER HAU?

Bideratua / Programa

NORI ZUZENDUA

Masterra honako profil hauek dituzten pertsonei zuzenduta dago:

1. Beren lan-ibilbidea komunikazio edo kazetaritza gastronomikoaren esparruan garatu nahi duten graduatuak, diplomatuak, unibertsitateko lizentziatuak eta goi-mailako teknikariak (lehentasuna dute kazetaritzari, komunikazioari, marketinari eta gastronomiari lotutako tituludunek).
2. Gastronomiaren sektorean espezializatu nahi duten komunikazioko, kazetaritzako edo marketineko profesionalak.
3. Sektore gastronomikoko eta elikagaien industriako profesionalak.
4. Gastronomian espezializatuta dauden eta beren ezagutzak eta gaitasunak sakondu eta hobetu nahi dituzten komunikazioko, kazetaritzako edo marketineko profesionalak.
5. Lan-ibilbidea komunikazio gastronomikora, kazetaritza gastronomikora eta ekitaldi gastronomikoetara –komisario gisa– bideratu nahi duten beste esparru batzuetako profesionalak.

Saioetako batzuk ingelesez emango direnez, ingeleseko gutxieneko maila bat baloratuko da (B2, maila ertain-altua).

Zure prestakuntza eta esperientzia gorabehera, zure profila banan-banan baloratuko dugu.

Nahi izanez gero, Masterreko koordinatzailearekin hitz egin dezakezu. Hark masterreko edukiari buruzko orientazioa emango dizu, eta zure kezkak entzungo ditu, Masterra zure nahietara zenbateraino egokitzen den jakiteko.
Eskatu solasaldi bat koordinatzailearekin, informazio gehiago eskatzeko formularioaren bidez.

PRESTAKUNTZA-PROGRAMA

1. GASTRONOMIA: KULTURA, ZIENTZIA ETA GIZARTEA

1. Elikadura, kultura eta identitatea    
2. Gastronomiaren historia eta joera berriak
3. Elikadura-sistema lokala eta globala
4. Elikagaien zientziaren hastapenak
5. Analisi sentsorialaren oinarrizko printzipioak
6. Nola funtzionatzen duen jatetxe batek

Modulu honekin honako hau lortuko duzu:

• Gastronomian oinarrizko ezagutza lortzea, gai hau komunikatzeko irizpide propio eta garaikide bat garatu ahal izateko.

• Gastronomiaren eta elikaduraren kontzeptua elementu kultural, identitario eta sozioekonomiko gisa ulertzea, eta haiek lurralde bateko dimentsio guztiekin dituzten loturak ikustea.

• Egungo joera, korronte eta estilo nagusiak ezagutzea: abangoardia espainiarra, eskandinaviar sukaldaritza berria, slowfood mugimendua, fast good, sukaldaritza latinoamerikarra eta beste batzuk.

• Elikadura-sistemaren funtzionamendua ulertzea, tokian-tokian ez ezik, nazioetan eta munduan ere bai, bai eta haren ondorioak eta erronkak ere.
  Elikagaien printzipio fisikoak eta kimikoak eta haiek gure zentzumenekin duten lotura ulertzea.

• Ardoen mundua eta janariaren eta edariaren arteko lotura sentsoriala ezagutzea, oro har.

• Jatetxe batek barrutik nola funtzionatzen duen ezagutzea, bai sukaldaritzako eragiketak eta prozesuak, bai harreman publikoen kudeaketa.

2. NOLA KONTATZEN DUGU GASTRONOMIA?

1. Zer den kazetaritza gastronomikoa gaur
2. Komunikazio gastronomikoaren egungo ekosistema
3. Generoak eta idazteko teknikak
4. Ikerketa eta etika
5. Ahotsak eta adierazgarritasuna gastronomian

Modulu honekin honako hau lortuko duzu:

• Kazetaritza gastronomikoaren historia eta haren garrantziaren zergatia ezagutzea.

• Kazetaritza gastronomikoak azken urteotan mundu digitalean sartzean izan duen bilakaera eta etorkizunean izango dituen erronkak ulertzea.

• Komunikazio gastronomikoaren egungo ekosistema konplexuan, aktoreak zein diren eta zer rol betetzen duten identifikatzea: komunikabideak, webgune espezializatuak (adib.: Tripadvisor), influencerrak, sukaldariak, sektoreko erakundeak (The 50 Best Restaurants, Michelin), erakunde publikoak, enpresak eta beste batzuk.

• Kazetaritza gastronomikoari aplikatutako genero nagusiak zein diren jakitea (albistea, elkarrizketa, erreportajea, kronika, iritzia eta kritika), eta horien ezaugarriak eta aukerak ezagutzea.

• Eduki gastronomikoak modu egokian idaztea, bai komunikabide digitaletarako eta bestelako formatu batzuetarako, bai komunikazio korporatibo edo instituzionalerako.

• Sektoreari buruz komunikatzeko behar diren informazio- eta dokumentu-iturrien mapa osatzea.

• Gastronomiak aurrean dituen erronkei buruzko ikuspegi kritikoa eratzea, eta deontologia barneratzea sektoreko komunikazioari aurre egiteko orduan.

3. GASTRONOMIA ARO DIGITALEAN KOMUNIKATZEA

1. Baliabide gastronomikoak sortzea eta planifikatzea
2. Gastronomiako komunikazio estrategikoaren hastapena
3. Irudia eta edizio grafikoa
4. Narrazio-modu berriak
5. Food design eta esperientzia gastronomikoa

Modulu honekin honako hau lortuko duzu:

• Eduki digitalak eta negozio-eredu desberdinak kontsumitzeko ohiturak ulertzea.
• Behar bezala erabiltzea kazetaritza eta komunikazio gastronomikoko proiektuak diseinatzeko eta kudeatzeko teknikak eta tresnak
• Oinarrizko ezagutza eskuratzea audientziak neurtzeko eta aztertzeko eta norberaren edukia ingurune digitalean posizionatzeko
• Eduki gastronomikoak aberastuko dituzten irudiak hautatzeko eta editatzeko tresnak erabiltzea.
• Turismo gastronomikoko zerbitzu eta esperientziak turista baten ikuspegitik baloratzeko trebetasunak eta irizpideak eskuratzea.
• Askotariko eduki eta plataformetara egokitzen diren narrazio-trebetasun berritzaileak garatzea.
• Podcast formatuko eduki espezifikoak diseinatzeko, garatzeko eta posizionatzeko ezagutza eta praktika.

4. KOMUNIKAZIO ESTRATEGIKOA

1. Social media deritzenen erabilera estrategikoa
2. Komunikazio estrategikoko plan integral baten diseinua
3. Analitika digitalaren erabilera estrategikoa

Modulu honekin honako hau lortuko duzu:

• Sare sozial mota desberdinak bereiztea eta plataforma bakoitzari ondoen egokitzen zaizkion edukiak zehaztea.

• Oinarrizko ezagutza eskuratzea audientziak neurtzeko eta aztertzeko eta norberaren edukia ingurune digitalean posizionatzeko.

• Proiektu gastronomikoak kontzeptualizatzeko, diseinatzeko eta gauzatzeko sormen-baliabideak aplikatzea.

• Gastronomiari aplikatutako marketin digitalaren oinarrizko printzipioak ezagutzea.

• Comprender la importancia de la reputación (on-line y off-line) de cualquier proyecto, restaurante o chef y saber actuar ante crisis.

• Edozein proiektuk, jatetxek edo chefek online eta offline duen ospearen garrantzia ulertzea eta krisiei erantzuten jakitea.

5. MASTER-AMAIERAKO PROIEKTUA

Proiektua banaka edo taldean egingo da, eta helburua masterrean ikasitakoa praktikan jartzea da.

Hona hemen lan moten adibide batzuk, orientazio gisa:

• Jatetxe baterako edo gastronomian diharduen beste erakunde baterako komunikazio-plan bat diseinatzea.
• Gastronomiari buruzko kongresu baten edo bestelako ekitaldi baten komunikazio-plan estrategikoa diseinatzea.
• Gastronomian espezializatutako komunikabide digital bat sortzeko diseinua.

6. CURRICULUM-PRAKTIKAK ENPRESETAN

Enpresetako curriculum-praktiken helburua da ikasketak bukatzeko, ikasitakoa praktikan jartzea eta enpresetan lanbide-inguruneko esperientzia bat bizitzea. Praktikak 480 ordukoak (19 ECTS) dira; 3 hilabete inguruko iraupena dute. 

Aholkularitza pertsonalizatua egiten dugu, eta zure profila eta lehentasunak aintzat hartzen ditugu praktikak zein enpresatan egingo dituzun erabakitzeko.

Hona hemen praktikak egingo dituzun enpresa eta zentro moten adibide batzuk:

• Gastronomiari buruzko atalak dituzten hedabideak, formatu tradizional edo digitalekoak.
• Jatetxeetako eta jatetxeen arloko enpresetako komunikazio- eta marketin-sailak.
• Komunikazio-agentziak.
• Irratiak, podcastak edo telebistak.
• Gastronomian espezializatutako argitaletxeak eta kongresuak.
• Gastronomiara eta elikadurara zuzendutako enpresa eta erakunde publikoak.

Egutegia

ONLINE ESKOLA-ALDIA: 2025ko urritik 2026ko apirilera (6 hilabete)

ESKOLA-ALDI PRESENTZIALA: 2026ko maiatza (hilabete bat)

CURRICULUM PRAKTIKAK: 2026ko ekainetik irailera (3 hilabete) 
MASTER AMAIERAKO PROIEKTUA AURKEZPENA: 2025ko iraila

ORDUTEGIA:

• Online zatia: zuzeneko saioak astearte eta ostegunetan 18:00etatik 20:30etara (ordutegia: GMT + 1)
• Zati presentziala: astelehenetik ostiralera, 15:00etatik 20:00etara

Metodología

Master honek formatu erdipresentziala du.

Online atalean, zuzeneko eskolen bidez –astean 2 egun– ikasiko duzu: erronkak, tailer praktikoak, kasuak, lankidetza-lanak eta gaian adituak diren irakasleek gidatutako ikaskuntza. Idazketa, argazki, bideo eta podcasteko tailerrak eta gastronomiarekin lotutako beste jarduera batzuk, zure komunikazio- eta kazetaritza-potentziala osorik garatzeko.

Zati presentzialean, ikaskuntza-dinamika aktiboak lantzen jarraitzen da, eta landa-lanak, learning journeyak, challengeak, kristalizazio-tailerrak eta abar egiten dira. Learning by doingean oinarritutako irakaskuntza-ikaskuntzako metodologiari jarraitzen zaio. Metodologia hori gogoetatsua, soziala, aktiboa, motibagarria eta esanguratsua da.

Kontzeptu metodologiko hauetan oinarritzen da:

ONLINE ZATIA:

Masterraren lehen zatia online egiten da. Horretarako erabiltzen den plataformako programak eta edukiak % 100 online prestakuntzarako diseinatuta daude:

• Zuzeneko eskolak astean behin, irakasle eta laguntzaileekin.
• Jarduerak eta erronkak: Ariketa interaktiboak, entregak, testak, foroak, etab.
• Egunerokoan aplika daitezkeen eduki garaikideak eta diziplinartekoak.
• Adituekin elkarrizketak erakusten dituzten ikus-entzunezko baliabideak.
• Masterclassak gonbidatu adituekin
• Dinamizatzen, motibatzen eta feedback pertsonalizatua ematen duen tutorea.
• Eztabaidatzeko, ideiak emateko eta ezagutza partekatzeko lankideak.Ikus COVID-19 neurri guztiak.

ZAT PRESENTZIAA: MURGILTZE-HILABETEA
Masterraren bigarren zatiak hilabeteko iraupena du, eta Basque Culinary Centerren egiten da modu presentzialean. Hilabete horretan jarduera hauek egingo dira:

• Azalpen-saio kontzeptualak: Saio horietan, moduluko irakasgai bakoitzaren oinarri kontzeptualak azalduko dira, adituen eskutik.
• Masterclassak: Saio horietan, erreferentziazko profesionalek bertatik bertara aurkeztuko dituzte eredu eta esperientzia arrakastatsuak.
• Kasu praktikoen azterketa: Berariazko tailerretan, kasu praktikoak eta adibide zehatzak aurkeztuko dira, formatu parte-hartzailean. Kasu horiei esker, taldeko dinamikak, eztabaidak eta gogoetak egin ahal izango dira.
• Dastamen-gelak: BCCen instalazioetan antolatutako dastatzeak, probaketak, tailerrak eta gastronomiarekin lotutako beste jarduera batzuk, programaren edukiak esperimentatu ahal izateko.
• Learning Journey-ak eta landa-lanak: Jarduera gastronomikoak eta irakasgaien edukiak argitzeko topaketak. Landa-lana egiteko eta komunikazioari eta kazetaritza gastronomikoari buruzko ikuspegi aplikatua eskuratzeko tokiak bisitatuko dira. 
• Fakultateak antolatutako ekitaldietara joatea, esate baterako, Gastronomy Shapers-etara.
• Azalpen-saio kontzeptualak: Saio horietan, moduluko irakasgai bakoitzaren oinarri kontzeptualak azalduko dira, adituen eskutik. Azalpen-saio kontzeptualak: Saio horietan, moduluko irakasgai bakoitzaren oinarri kontzeptualak azalduko dira, adituen eskutik.

Ikaskuntza finkatu egiten da parte-hartzaileen eta Basque Culinary Centerreko profesional aditu eta koordinatzaileen arteko elkarbizitzarekin.

Erronka berrien aurrean, Basque Culinary Centerren testuinguru berrietara egokitutako soluzio berrien aldeko apustua egiten dugu. Horrela, COVID-19aren testuinguru honetan, gune digital berriak sortu ditugu, segurtasun-neurriak ezarrita, gure premium instalazioak beharrizan berrietara egokitu ditugu, edukiera murriztu dugu, etab. Hori guztia, gertatzen dena gorabehera, proposatutako ikaskuntza-helburuak lor ditzazun.

SAKATU HEMEN COVID neurrien berri izateko.

Irakasleak

Hainbat nazionalitate eta diziplinatako irakasleak biltzen ditu master honek, kazetaritza eta komunikazio gastronomikoaren sektorearen ikuspegi orokorra emateko:

MASTERRAREN KOORDINATZAILEA

Rafael Tonon

Rafael Tonon nazioarteko esperientzia duen kazetari eta idazle gastronomikoa da. Portugalen bizi den Brasildar honek munduan zehar bidaiatzen du jateko eta idazteko. Elikadura-joerei, tradizio gastronomikoei eta jatetxeen industriari buruz idazten du. Bere lana nazioarteko hedabideetan agertu da, hala nola «Munchies» (Vice), Slate, GQ, Elle, Atlas Obscura eta beste argitalpen nabarmen batzuetan. Horrez gain, kolaboratzaile gisa jarduten du Fine Dining Loversen eta Estatu Batuetako gastronomia atari handiena den Eateren. 2004an Brasilen graduatutako kazetari hau (Pontifícia Universidade Católica de Campinas) honako liburu hauen egilea da: Food Revolutions; eta 50 Restaurantes com Mais de 50 - 5 Décadas da Gastronomia Paulistana [50 urtetik gorako 50 jatetxe: Sãu Pauloko agertoki gastronomikoaren 5 hamarkada], Sãu Pauloko (Brasil) jatetxe tradizionalenei buruzkoa. Editora Abril-en lan egin zuen, Latinoamerikako aldizkari eta komunikabide talde handienean. Gaur egun, freelancer modura, Estatu Batuetako eta Europako hainbat komunikabiderentzat egiten du lan, baita komisario (Foro Alimentarte eta antzeko proiektuetan) eta ikerlari gastronomiko gisa ere. Joera eta elikagaietan ere espezializatu zen Rafael, eta ikastaro eta ekitaldietan hizlari gisa jardutera gonbidatu izan dute.

IRAKASLEAK

Sasha Correa

Venezuelako kazetari eta idazle honek hamar urtetik gora darama gastronomiaren arloko proiektuen sormenezko kudeaketan. Basque Culinary Centerren hainbat ekimen bultzatzen ditu: Basque Culinary World Prize saria, Sukaldaritzako Elkarrizketak kongresua eta, berrikiago, «RetoCoronavirus» eta «Gastronomia 360» komunikazio-plataformak. 50 Miradas: un recorrido por el movimiento de la gastronomía contemporánea (Basque Culinary Center 2018) liburuaren egilea da.

Juan Carlos Arboleya

Biokimika Fisikoan doktoratua East Angliako Unibertsitatean (Norwich, Ingalaterra), eta ikertzailea Ingalaterrako Institute of Food Research BBSRC zentroan. AZTI-Tecnalia elikagaien ikerketarako zentro teknologikoko karakterizazio eta diseinu mikroestrukturaleko laborategiaren arduraduna izan da. Gaur egun, Gastronomia Zientzietako Masterraren koordinatzaile teknikoa, BCCeko Gastronomia eta Sukaldaritza Arteen Graduko Elikagaien Garapen eta Teknologia ibilbideko koordinatzailea eta BCC Innovation-eko Kontsumitzailearen Hautemate sentsoriala eta Lehentasunak espezialitateko koordinatzailea da. Gainera, Elsevier argitaletxeko International Journal of Gastronomy and Food Sciences aldizkariko editore burua da.

Diego Salazar

Kazetaria, Espainiako ABC egunkariko Kazetaritza Masterreko irakaslea izan zen, Etiqueta Negrako editore elkartua (Peru), Peru21ko multiplataforma editorea, eta gaur egun The New York Times egunkarian kolaborazioak egiten ditu gaztelaniaz, bai eta Latinoamerikako, Ameriketako Estatu Batuetako eta Europako beste hedabide batzuetan ere. "Ez dugu ezer ere ulertu: zer gertatzen den prentsaren etorkizuna algoritmoaren mende uzten dugunean" liburuaren idazlea da.

IRAKASLE GONBIDATUAK

Andoni Luis Aduriz, Mugaritzeko sukaldari eta jabea. Mugaritz munduko jatetxe ezagun eta sarituenetako bat da, eta Errenterian (Euskal Herria) dago.

Andrés Rodriguez, SpainMedia-ko (Tapas, Forbes, etab) presidente eta editorea.

Emily Takoudes, Phaidon argitaletxeko janari saileko erredaktore exekutiboa; argitaletxe hori munduko garrantzitsuenetako bat da, eta besteak beste René Redzepi,Alex Atala eta Ferran Adrià sukaldarien liburuak argitaratu zituen.

Harold McGee, elikagaien kimikan enfasia duen gastronomian idazle estatubatuarra.  Bere lanik ezagunenetako bat "On Food and Cooking" da.

Matt Goulding, Bartzelonan bizi den kazetari gastronomiko estatubatuarra, liburu-egilea eta eduki-ekoizlea. Gastronomia-editorea izan zen Men's Health aldizkarian. Bertan, «Eat This, Not That» zutabea idazten zuen. Zutabe horren edukia liburu-sail bihurtu zen. 2012an, Roads & Kingdoms fundatu zuen beste batzuekin batera. Horrez gain, liburu gastronomiko askoren egilea da.

Rodrigo Varona, Brandelicious-eko (gastronomiaren arloan Europako komunikazio agentzia ezagunenetako bat) zuzendari exekutiboa. Hainbat markekin (Estrella Damm, Sofitel, Four Seasons, etab.) eta jatetxerekin (Etxebarri, Desfrutar, etab.) egin du lan.

Ruth Reichl, The New York Times egunkariko jatetxeetako kritikari gisa aritu zen 1993tik 1999ra. 1999an Gourmet Magazin-era mugitu zen, hamar urtez zuzendari nagusi izanez. Bost memorien egilea da, “Tender at the Bone”, “Comfort Me with Apples”, “Garlic and Sapphires”, “For You, Mom, Finally”, eta “Save Me the Plums”, 2019an argitaratu zena.

Ryan King, kazetaritza gastronomikoan erreferentzia den Fine Dining Lovers webguneko editore exekutiboa.  

Matrik. / Laguntzak

Masterraren prezioa 11.580 € eurokoa da, eta zenbateko hori honela ordaindu beharko da:

• 150 € hautagaitza aurkeztean (osorik itzuliko da hautagaia onartua ez bada).
•  2.857,5 € onarpena baieztatzean, plaza gordetzeko kontzeptu modura.
• Gainontzeko zenbatekoa  2.857,5 € -ko hiru kuota urrian, abenduan eta otsailan.

FINANTZATZEKO AUKERAK

HOBARIAK JASOTZEKO AUKERA

IKASLEAK ENPLEGUA BILATZEKO LAGUNTZA

Onarpena / Baldintzak

Aurrez izena emateko urratsak:

1. Aurrez izena ematea

2. Hautaketa prozesuko faseak gainditzea

3. Plaza gordetzeko ordainketa

Kontsultak eta informazio gehiago: admisiones@bculinary.com

Alojamientos

LIVENSA LIVING DONOSTIA, OSTATU-KONTZEPTU BERRITZAILEA

Livensa Living San Sebastián Ibaeta auzoan dago, gune lasai batean eta Ondarretako hondartzan itsasoratzen den Tolosa hiribidetik pasabide batera. Xehetasun guztiak zaintzen dituen ostatu bat da, Donostiako egonaldian etxean bezala senti zaitezen pentsatuta dagoena. Erlaxatzeko eta lagunartean denbora partekatzeko espazioak ditu.

Nabarmendu beharreko ezaugarriak:

• Banakako logelak sukalde osoarekin eta komun pribatuarekin
• Ikuztegia
• Gimnasioa
• Sukalde komunak edo txokoak
• Aisialdirako guneak: egongela, joko-aretoa, zinema-aretoa
• Musika entseatzeko gelak
• Coworking guneak
• Aparkaleku pribatua

Baliatu Basque Culinary Centerreko ikasleentzako lehentasunezko tarifak.

Ostatuari buruzko informazio gehiago hemen

Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin.

Arraian agertzen ditugun prezioak gutxi gorabeherakoak dira.

EMAKUMEZKOENTZAKO Egoitzak:

RESIDENCIA COMPAÑÍA DE MARÍA

Camino de S. Bartolomé, 24
Tel 943 464795
Regimen mantenu osoa
Precio aproximado hilean 625€

ESCLAVAS DEL SAGRADO CORAZÓN

Avda. Gral. Zumalakarregi, 11
Tel 943 210800
Regimen mantenu osoa
Precio aproximado hilean 580€-615€
Ikasleek egoitza utzi egin behar dute asteburuetan, azterketa garaian izan ezik.

MISIONERAS DEL SAGRADO CORAZÓN

http://www.misioneras-sc.com/es/residencia-universitaria/

Paseo de la Fe, 34
Tel 943 456072
Regimen mantenu osoa
Precio aproximado 350€-490€

RESIDENCIA VILLA ALAIDI E.A.M.

http://www.villa-alaidi.com/

Paseo de Heriz, 95
Tel 943 210866
Regimen mantenu erdia edo mantenu osoa
Precio aproximado hilean 450€-tik 590€-ra
No se ofrecen comidas durante el fin de semana aunque hay una cocina a disposición de las residentes.

RESIDENCIA EL CARMELO PASIÓN

http://www.karmeloikastetxea.com/es/residencia-universitaria/quienes-somos

Ilumbe, 8
Tel 943 456600
Regimen mantenu osoa
Precio aproximado hilean 540€-605€

COLEGIO MAYOR JAIZKIBEL

http://cmjaizkibel.com/

C/ Aldapeta, 49
Tel 616 369 815
Regimen Pensión completa
Precio aproximado 932€/mes
No hay cocinas disponibles para las residentes pero las estudiantes de BCC podrán realizar prácticas de cocina.

RESIDENCIA CET ORIA

http://proyectocet.com/

Paseo de Ayete, 25
Tel 943 242400
Regimen pensión completa
Precio aproximado 370€
El precio del alojamiento y pensión se costea trabajando en el servicio de alimentación. Admisión mediante entrevista.

GIZONEZKOENTZAKO EGOITZAK:

COLEGIO MAYOR AYETE

http://www.ayete.es/

Pº Ayete, 25
Tel 943 21000
Regimen Pensión Completa
Precio aproximado 1.055€/mes

RESIDENCIA LA SALLE

http://www.residenciauniversitarialasalle.com/

Pº Maddalen Jauregiberri,2
Tel 943 454400
Regimen habitación y desayuno
Precio aproximado 320€-380€/mes

---

EGOITZA LAIKOAK

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

EGOITZA MISTOAK:

NUMAD STUDIOS

https://numadstudios.com/

Paseo de Miramón, 162
Tel (+34) 943 56 91 28
Regimen alojamiento en estudio con cocina equipada y baño privado
Precio aproximado desde 600€ hasta 880€/mes
A tan solo un paso de Basque Culinary Center. Instalaciones equipadas con un amplio espacio de cocina dedicado a prácticas culinarias, salas de estudio, gimnasio y zona lounge para socializar con otros residentes.

COLEGIO MAYOR OLARAIN

http://www.colegiomayorolarain.com/

Pº Ondarreta, 24
Tel 943 003300
Regimen alojamiento y desayuno, media pensión o pensión completa
Precio aproximado desde 498€ hasta 1.090€/mes
El precio incluye la limpieza del uniforme de cocina. No hay cocinas disponibles para los residentes aunque los estudiantes de BCC podrán hacer prácticas de cocina en un espacio debidamente equipado para ello.

RESIDENCIA MANUEL AGUD QUEROL

http://www.resa.es/es/residencias/san-sebastian/residencia-universitaria-manuel-agud-querol/residencia/

Pº Berio, 9
Tel 943 563000
Regimen alojamiento
Precio aproximado desde 403€ hasta 690€/mes
Residencia de la Universidad de País Vasco; alojan prioritariamente a los estudiantes de la UPV pero pueden tener plazas disponibles desde la reciente ampliación.

---

BIZILEKUA PARTEKATUTAKO ETXEETAN

Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak

Kirol-zerbitzuak

Bizi Kostuaren Info

Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

Donostia Turismok utzitako irudiak

Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

Donostia Turismok utzitako irudiak

ZERGATIK IKASI GASTRONOMIA DONOSTIAN?

• Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.
• Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
• Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
• Bertako hondartzengatik, aukera-aukerakoak dira urte osoan surfa egiteko.
• Mendiagatik, 2,5 ordutara daude Pirinioak.
• Hiri segurua, eskuragarria eta erosoa delako.

Donostia Turismok utzitako irudiak

NOLA IRITSI DONOSTIARA

Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.

Donostia Turismok utzitako irudiak

BCC Students