Basque Culinary Centerrek bere prestakuntza-eskaintza zabaldu du master berri batekin: Food Design Masterra: produktuen, zerbitzuen eta esperientzien berrikuntza. Abian jarriko den master haut gehituko zaie Mondragon Unibertsitateko Gastronomia Zientzien Fakultateak gaur egun ematen dituen hamar masterrei, Gastronomiako eta Sukaldaritza Arteetako Graduari, Gastronomia Zientzietako Doktoregoari eta sektoreko profesionalentzako espezializazio-ikastaroei. 

Joxe Mari Aizega Basque Culinary Centerreko zuzendariak adierazi duenez, “Ezinbestekoa da egungo berrikuntzaren testuinguruan profesionalak espezializatzen jarraitzea, ikuspegi praktikoa eta ikuspegi globala eskainiz, sektorearen mugak indartu eta zabaltzeko. Basque Culinary Center abian jarri zenetik, sektore gastronomikoa espezializatzeko eta profesionalizatzeko proiektu eragilea izan nahi izan dugu. Orain, diseinuari buruzko master hau jarriko dugu martxan. Gastronomiaren hainbat arlotako produktu, zerbitzu eta esperientzien diseinuak funtsezko eginkizuna betetzen du elkarreraginean. Estetikatik haratago, diseinuak erabiltzailearen erabilgarritasuna, irisgarritasuna eta gogobetetasuna hobetzen ditu. Ziur gaude etorkizunerako gero eta ahalmen handiagoa duela”

 

FOOD DESIGN, BEGIRADA GASTRONOMIKO BERRI BATETIK

 

"Food Design Masterra: produktuen, zerbitzuen eta esperientzien berrikuntza" merkatuaren prestakuntza-eskaintzari ikuspegi holistiko, berritzaile, sortzaile eta sukaldaritzakoago batetik estaldura emateko beharretik sortu da, eta elikadura- industrian aldaketa esanguratsuak bultzatu nahi ditu, erronkei helduz, aukerak sortuz, eztabaidak bultzatuz eta narratiba birbideratuz jasangarritasunerantz, iraganaren, orainaren eta etorkizunaren integraziorantz eta kulturarekiko errespetu sakonerantz, gastronomiaren eta diseinuaren arteko sinergiak bilatuz.     
 

Programa honen lehen edizioa 2025eko urtarrilean hasiko da, formatu hibridoan (lau hilabeteko online prestakuntza eta bi hilabeteko prestakuntza presentziala Basque Culinary Centerren instalazioetan), helburutzat harturik profesionalak prestatzea produktuen, zerbitzuen eta elikagaien, edariaren eta gastronomiaren inguruko esperientzien diseinuan eta berrikuntzan, errentagarritasunari eta jasangarritasun ekonomiko, sozial eta planetarioari lotutako erronkei soluzioak emateko, diseinu-metodologien bidez.

Prestakuntza horren helburua izango da profesionalak prestatzea gaur egungo erronkak ikuspegi holistiko batetik aztertzeko eta identifikatzeko, erronka horiek konplexutasunean eta dimentsio anitzetan ulertuz eta lehendik dagoen produktu edo zerbitzu baten funtzionamendua kritikoki baloratuz hobekuntza-esparruak hautemateko. Halaber, diseinuaren, janariaren eta edariaren arteko elkargune berriak ere esploratuko ditu masterrak, eta diseinu gastronomikoan eragina duten oinarriak, hala nola sukaldaritza-, zientzia-, teknologia- eta gizarte-arloetakoak eta gehiago, eta egungo eta etorkizuneko erronkei erantzuteko soluzio sortzaile eta baliagarriak sortzen ere ahaleginduko da, aldaketarako eta eraldaketarako tresna gisa aitortuz.    

 

GOI-MAILAKO IRAKASLEAK

Irekita dago masterrerako izena emateko epea, eta irakasleak hainbat diziplinatan ospe eta aitortza handia duten adituak izango dira. Ikasleek aukera izango dute arlo horretan bide luzea egin duten profesional batzuengandik ikasteko, zeinak ezagunak baitira beren eragin akademiko, intelektual eta sozialagatik eta beren ekarpen harrigarriengatik.

 

Haien artean dago Elsa Yranzo masterraren koordinatzailea. Diseinatzailea, arte-zuzendaria eta komisarioa da, eta Bartzelonako FOOD DESIGN & FOOD ART estudioaren jabea ( Creative Food Studio Bcn). Horrez gain, Luki Uber, Bulliko diseinatzaile gisa egindako lanagatik nazioartean ezaguna, eta prozesu sortzailea mapeatzeko tresna paregabe baten —Manual Thinking izenekoaren— egungo komertziala eta dibulgatzailea; Juli Capella , arkitektoa eta Nuevo Diseño Español edo Arquitecturas Diminutas liburuen egilea; Jorge Conde, Deployment Chief Manager diharduena New European Bauhauserako European Cluster Alliancen eta El Futuro agentziaren sortzailea; Beatriz Romanos, Food Tech eta Food Innovation arloetan espezializatutako berrikuntzako coach-a eta "Foodtech: la gran revolución de la industria alimentaria" liburuaren egilea; edo  Charles Spence, besteak beste, Oxfordeko Unibertsitateko psikologo esperimentala, unibertsitateko Crossmodal ikerketa-laborategiko zuzendaria eta 'Kitchen Theory' elikagaien zientzietako adituen batzordeko zuzendaria.                                                                                                                                                                     

 

METODOLOGIA ERDIPRESENTZIALA ETA PRESTAKUNTZA-PROGRAMA

Learning by doing metodologia erabiliz emango da masterra. Metodologia horren oinarria da ikasteko modurik onena esperientzia praktikoaren eta zuzeneko ekintzaren bidez ikastea dela. Formatu erdipresentzialean eskainiko da, 2025eko urtarriletik ekainera bitartean,  eta ikaskuntza-dinamika aktiboak izango ditu, landa-lanak, learning journey-ak, challengeak, kristalizazio-tailerrak, etab. Gainera, saio batzuk ingelesez izango dira, eta, horregatik, gutxienez B2 maila (tarteko maila altua) edukitzea baloratuko da prestakuntzan parte hartzeko.

Eskola-aldia amaitzen denean, ikasleek master -amaierako lan bat egin beharko dute, masterrean eskuratutako ezagutzak praktikan jartzeko. Halaber, ikaskuntza amaitzeko eta enpresetako lanbide-ingurune batean esperientzia bat bizitzeko, curriculum-praktikak egingo dituzte 3 hilabetez. 

Masterra ezin hobea da gastronomiaren eta diseinuaren munduan berrikuntza bultzatzeko irrikaz dauden profesionalen espektro zabal baterako. Sukaldari, gozogile eta jatetxeko gerente, espezialitate guztietako diseinatzaile, ekintzaile eta berrikuntza-arduradunei, programa honek aukera paregabea eskaintzen die gastronomia-esperientzien sorkuntzan muga berriak esploratu nahi dituztenei. Orobat hartzen ditu elikagaien industriako eta marketin, ekitaldien kudeaketa, komunikazio eta arte arloetako profesionalak eta janariaren eta diseinuaren arteko elkargune sortzailean interesa duten graduatu berriak.

 

IRTEERA PROFESIONALAK

 

Food Design esparrua muga industrialetatik harago doa. Ikasleei aukera eskaintzen die, esperientziaren eta profilaren arabera, hainbat arlotan lider izateko eta esploratzeko. Horien artean daude elikagaien industriaren barruko ikerketa eta garapena, eta sukaldaritzarako produktu eta zerbitzu berritzaileak sortzea; aholkularitzako rolak eta diseinu gastronomikoan espezializatutako agentziak; eta sukaldari-diseinatzaile gisa jarduteko aukera, zerbitzu eta esperientzia paregabeekin berrituz jatetxe-arloa, abegikortasuna eta ekitaldiak. Gainera, programak ekintzailetza sustatzen du, eta ikasleak prestatzen ditu produktu, zerbitzu eta esperientzietako berrikuntzagatik nabarmentzen diren startupak abiarazteko.

 

Basque Culinary Center nazioarteko erakunde akademiko aitzindaria da. Gastronomiaren prestakuntza, ikerketa, berrikuntza eta sustapena ditu helburu.
Testuinguru horretan, Gastronomia Zientzien Fakultateak prestakuntza-eskaintza zabala du, batez ere profesional kualifikatuei zuzendua, kasu bakoitzean ikuspegi global batetik eta sektoreko profesional onenen eskutik behar diren ezagutzak emateko. Gainera, erakarpen-gune gisa jokatzen du, hainbat kultura, zentro teknologiko eta ekosistema gastronomiko aberatsetarako sarbidea eskainiz, baita benetako enpresekin lankidetzan aritzeko ingurune bat ere, eta horrek nabarmen aberasten ditu ikaskuntza-esperientzia eta ikasleentzako networking-aukerak.

 

INFORMAZIO GEHIAGO IZATEKO EDO IZENA EMATEKO:     

Food Design Masterra: produktu-zerbitzu eta esperientzien berrikuntza:
https://www.bculinary.com/es/masters/master-food-design  

Harremanetarako helbide elektronikoa: cursos@bculinary.com