Bi jardunaldiak parte-hartzailez gainezka izatea lortu ondoren, EDA Drinks Summit finkaturik geratu da unibertso likidoa ardatz duten kongresu nazional garrantzitsuenen artean. Aurtengo edizioak NoLo edariak izan ditu hizpide; hau da, alkoholik gabeko edo alkohol gutxiko edariak. Kategoria hori garrantzi handia ari da hartzen sektorean, eta adituak edarion aldeko apustua ari dira egiten. Hala, bi jardunaldiak arrakastatsuak izan dira, eta berrikuntza, pasioa eta kontsumo-joerak izan dira hitzaldiaren epizentroa.

Lehendabiziko jardunaldia esperientzian oinarriturik diseinatu da, eta Gasteizko Abastos merkatuan izan da. EDA Drinks & Wine Campuseko zuzendari Elisa Ucarrek hasi zuen biltzarraren lehendabiziko eguna, eta balioespen hauxe egin du: “sinestezina da estatuko eta nazioarteko hizlariek gastronomiaren ikuspegitik duten ezagutza, behar horiek guztiak bezeroarekin harremanetan jartzean sortzen baitira. Nekazaritzako foru diputatu Noemí Aguirrek ere hartu zuen hitza. Haren esanean, “moldatzea ez da gure nortasuna uztea, hedatzea baizik”, NoLo edarien gorakadari erreferentzia eginez. Iker Iglesias Eusko Jaurlaritzako Elikagaien Politika eta Industriako zuzendariak esan zuen “NoLo edariak gaur egun edariekin eta alkoholik gabeko edariekin batera egon daitezkeela”.

Dart Caffeineko Dara Santanak abiarazi zituen tailerrak eta hitzaldiak. NoLo edarien sorkuntzan urak duen garrantzia izan zuen hizpide Santanak, eta bereziki azpimarratu zuen bere espezialitate-alorra: kafea. Santanaren arabera, “urak, nahiz eta osaera parametrikoki perfektua izan, baditu zaporea eta usaina. Probatu gauzak, ez eman jakintzat”. Tesuko dendako Verónica Hegar aritu zen ondoren, eta matcha tea prestatzeko tailer bat zuzendu zuen. “Orain urte batzuk, ezinezkoa zen matcha saltzea; orain, bestelako kontuak ditugu. Hala ere, modu kontzientean kontsumitzeko gonbita egiten dizuet. Japonian ekoizten den tearen % 5 bakarrik da matcha”. 

Jarraian, bost edari hartzitu dastatu zituzten, saio gidatu batean. Hala, konbutxa, pét-natak edo kefir-ura aurkeztu zizkieten edariok ezagutzen ez zituztenei. Brava Kombucha etxeko Mayte Marín izan zen bere produktuak aurkezten lehena. “Etorkizuna hartzitua da” leloarekin, ikuspegi sentsoriala baliatuz aurkeztu zituen produktuak. Carla Bernabeu nutrizionista eta Ké Water etxearen sortzailea da, eta kefir-ura aurkeztu zien bertaratuei. Edari hori tokia egiten ari da gastronomiaren munduan, eta propietate probiotiko handiak ditu. “Kefir-urak digestio-ongizatea errespetatzen du. Guk hurbileko produktuekin egiten dugu, eta, zapore-emaile naturalak erabiltzen baditugu ere, esentzia naturalaren aldeko apustua egiten dugu”. 

Nicolás Lavalliere Lov Ferments etxearen sortzaileetako bat da, eta haren dastatze-saioak hartzidura izan zuen ardatz: bere esanean, “tresna-kaxa” gisa erabiltzen du hartzidura, edarien inguruko esperientzia gastronomikoa hobetzeko. “Ikusten ez denaren artzainak gara”, adierazi zuen. Mucha Kombuchako Griffin Halpernen apustua, bestalde, hartzidura onaren aldekoa da: “Zuku-azukreak gutxienez % 55 izaten dira, eta, azkenean, hondar-azukrearen % 3 baino gutxiago geratzen da”. Mahou San Miguel etxeko Beatriz Sánchezek garagardoaren sektoreko ikuspegia azaldu zuen, eta hark amaitu zuen eguna alkoholik gabeko garagardoen dastatze-saio batekin. Edari horri dagokionez, hauxe adierazi du: “Garagardogile bakoitzak bere legamiak ditu, patentatuta eta ondo zainduta, gure anduia desagertu ez dadin. Horiek dira gure edarien DNA, eta gure tresna dira beti zapore bera lortzeko”. 

Bigarren hitzordua gaur izan da, Basque Culinary Centerreko auditoriumean. Jatetxe-espazioak izan dituzte hizpide, eta aztertu dute sommelierrek eta aretoburuek nola txertatzen eta azaltzen dituzten NoLo edariak beren espazio eta kontzeptu gastronomikoetan. Irekiera instituzionala Joxe Mari Aizega, Basque Culinary Centerreko Zuzendari Nagusiak egin du azpimarratuz: “EDA Drinks & Wine Campus gure muinaren muinean berrikuntza eta pasioa daudela jaio da; eta NoLo-ko ekintzaileen energia zoragarria eta oso interesgarria iruditzen zait. Gastronomiaren etorkizunean garrantzitsua izango den errealitate baten aurrean gaude”. Arabako Foru Aldundiko Arlo Estrategikoen zuzendari Eduardo Aguinacok ere parte hartu du irekieran, eta adierazi nahi izan du “NoLo direlakoak nitxo bat baino askoz gehiago direla, eta gustagarria da ikustea nola inplikatzen den jende gaztea; are gehiago jakinda mahastizaintzaren eta ardogintzaren munduan aldaketak izango direla”. Azkenik, Raúl Pérez, Viceconsejero de Alimentación y Desarrollo Rural del Gobierno Vasco, también ha estado presente en el arranque de la jornada, y ha apuntado que “esta categoría de bebidas es una gran oportunidad para Euskadi gracias al amplio abanico que representa; es un reto para hoy, pero sin duda es una gran oportunidad para el día de mañana”.

Lehenbiziko hitzaldia Alberto Segadek eta Pancho Cárdenasek eman dute (bi izarreko Kadeau jatetxe danimarkarretik etorriak). Haien hitzaldiaren muina izan da zer-nola uztartzen dituzten NoLo edariak herrialde eskandinaviarretako goi-sukaldaritzan, eta, horri dagokionez, hauxe nabarmendu dute: “gaur egun ikusten dugu kontsumitzaileek modu kontzienteago batean edatea aukeratzen dute, eta edari mota horren eskaerak izugarri hazi direla azken urteetan”. Haien ondoren, Curro Polo Basque Culinary Centerreko doktoregaiak hartu du hitza. Interes handia piztu du NoLo unibertsoaren metamorfosiari buruz eman duen ikuspuntuak, eta, horri loturik, hauxe adierazi du: “NoLo edariek konplexurik gabe hartzitzen laguntzen digute”

Bestalde, Mahou San Miguel etxeko Beatriz Fernández Loizagak (alkoholik gabeko edarien marka globalaren zuzendaria) eta Ingrid Vico Díazek (hirugarren fabrikatzaileen eta garagardo-kulturaren burua) hauxe adierazi dute: “Espainian, Europako biztanleen % 7 gara, eta garagardoaren % 17 kontsumitzen dugu alkoholik gabe; datu horri esker, munduko bigarren aktorea gara, Alemaniaren atzetik”.

Zenbait marka eta egileren edariak dastatu ondoren, biltzarrak Mario Villalón Angelita jatetxearen jabeak eginiko aurkezpenarekin jarraitu du. Haren proposamenak alkoholik gabeko koktelgintza du ardatz, eta familia-baratzetik lorturiko barazkiak erabiltzen ditu. Hala, bere ikuspegia jatorrian eta kontsumitzailean zentratu da: “pertsonetan aritzen gara, ez edarietan; naturarekiko loturan sinesten dugu eta arreta handia eskaintzen diogu mundu basatiari eta etxeko munduari, amaitzeko koktelgintza identitario eta askea eskainiz”.

Rodrigo Briseño Disfrutar etxeko sommelierren buruak —Bartzelonako jatetxeko horrek hiru izar ditu, eta Munduko Jatetxerik Onena da The 50 World's Best Restaurants zerrendaren arabera— azaldu du nola atondu harmoniak goi-mailako gastronomian alkoholik gabeko ardoak baliatuz. Azaldu duenez, “etiketa bakoitzaren atzean ahalegin handia dago, eta, beraz, haien nortasuna zaintzen saiatzen gara, errespetuaren, zintzotasunaren, balioen eta gardentasunaren bidez”.

Jardunaldia amaitzeko, mahai-inguru bat egin da NoLo edarien bilakaeraren eta garapenaren inguruan. Azken saio horretan aritu dira Dani Lasa (Ama Brewery), Lorea Mendizabal (Basque Culinary Center), Murray Paterson (Muri Drinks), Beatriz Fernández (Mahou San Miguel) eta Guadalupe Montserrat (GOe Tech Centerreko bioteknologoa). Saio horretan ondorioztatu dutenez, sektorea ikuspegi global batetik jorratu da, hainbat ikuspunturekin (osagaietatik elaborazio metodoetaraino eta gastronomiaren panoraman kategoria sartzeraino).

Horrekin guztiarekin, EDA Drinks Summit kongresua finkaturik geratu da edari-sektorearen topagune gisa, eta ezinbesteko hitzordua bihurtu da, dela profesionalentzat, dela zale eta ikasleentzat. Ekimen horrek, gainera, Eusko Jaurlaritzaren eta Arabako Foru Aldundiaren laguntza instituzionala izan du, baita Mahou San Miguelen babesa ere.

Ekitaldiko argazkiak hemen daude ikusgarri.