Eraldaketa digitalaren eta diseinuaren arloak gustatzen zaizkizu? Baduzu esperientziarik berrikuntza- eta ikerketa-prozesuak kudeatzen? Gastronomia arloan nazioartean erakunde aitzindarian lan egitea gustatuko litzaizuke? Jarraitu irakurtzen, zer eskain diezazukegun jakiteko! 

BCC Innovation Zentro Teknologikoan lan egingo zenuke, produktu eta zerbitzu teknologikoen berrikuntzaren eta garapenaren arloan, erabiltzailea ardatz duten diseinu-metodologiak garatuz.  

Zure zeregin nagusia produktu eta zerbitzu berriak garatzeko proiektuak diseinatzea eta garatzea izango da. Horretarako, gastronomiaren balio-katearen arazo eta erronkei irtenbideak emateko ikuspegi metodologikoak eta diseinu-tresnak aplikatuko dituzu. 

Gure lan-ildo nagusiak honako hauek dira: 

• Produktu eta zerbitzu teknologikoen ikerketa proiektuak modu autonomoan kudeatzea. 
• Diziplina askotariko profilekin lankidetzan aritzea.  
• BCC Innovationekin aurrez garatutako kontzeptu eta irtenbideen prototipoak garatzea, beste zentro teknologiko eta enpresa industrial batzuekin lankidetzan arituz. 
• ndustria-aliatuekin harremanak kudeatzea eta bezero potentzialei eskaintzak aurkeztea. 
• BCC Innovation Zentro Teknologikoaren bestelako proiektu puntualetan laguntza ematea. 

Identifikatuta sentitzen zara ezaugarri hauekin? 

• Produktuaren Diseinuan, Zerbitzuen Diseinuan edo antzeko arlo batean unibertsitate-gradua izatea. 
• Produktu eta zerbitzu teknologikoen garapenean 2-3 urteko esperientzia izatea. 
• Benetako erabiltzaileekin kontzeptualizazio-, prototipatze- eta baliozkotze-prozesuetan esperientzia izatea. 
• Erabiltzaileengan eta zerbitzuen diseinuan oinarritutako diseinu-metodologietan esperientzia eta gaitasun sendoa izatea, prototipoak sortzea eta benetako erabiltzaileekin probak eta baliozkotzeak egitea barne. 
• Gaztelaniaz eta ingelesez hitz egiteko eta idazteko maila altua (C1). 
• Bidaiatzeko prestutasuna. 

Gure arreta piztuko duzu... 

• Produktuaren Diseinua, Zerbitzuen Diseinua, Diseinua eta Teknologia masterra edo antzeko titulazioa izatea. 
• Euskara C1 mailako ezagutza izatea. 
• Ikerketa kualitatiboko teknikak planifikatzeko eta gauzatzeko gaitasuna izatea (adibidez, elkarrizketak, talde fokalak, eta abar). 
• UX/UI arloan eta koderik gabeko prototipoak sortzeko ezagutza izatea, Figma, Adobe XD eta InVision tresnak erabiliz. 
• Gastronomiaren eta elikaduraren arloa interesekoa izatea. 
• Norberaren ibilgailua izatea. 
• %33 edo gehiagoko desgaitasun-ziurtagiri ofiziala izatea. 

Zer espero dezakezu Basque Culinary Centerretik? 

• Konfiantzan oinarritutako lan-giroa: Independentzia eta malgutasun handia eskaintzen dugu, betiere helburuak lortzeari lehentasuna emanez. 
• Lanaldi osoko kontratu mugagabea.  
• Etengabe hazten ari den proiektu baten parte izateko aukera, diziplina eta kultura anitzeko ingurune batean, gastronomiaren munduaren ikuspegi globala eskuratzeko aukera eskainiz. 
• Lan-giro atsegin batean parte hartzea: Gure taldeko pertsonei arreta eta zaintza  eskaintzen diegu. 

Gure taldean lan egitea gustatuko litzaizuke? Bidali zure hautagaitza! Zure zain gaude!