Basque Culinary Center ekosistema berezi bat da, non prestakuntza, berrikuntza, ikerketa eta ekintzailetza uztartzen baitira, gastronomia garatu eta sustatzeko asmoarekin, jaten dugunaren eta hori jateko moduaren inguruko ezagutza arrazoitu gisa ulertuz gastronomia. Donostian dago 2011az geroztik, erakunde aitzindari bat da eta Gastronomia Zientzien Fakultateak eta BCC Innovationek (Gastronomiako Teknologia Zentroa) osatzen dute.

Basque Culinary Centerren patronatua erakundea kudeatzen duen organoa da, eta sukaldariek, erakundeek eta enpresek osatzen dute. Gainera, Basque Culinary Centerren Nazioarteko Kontseiluan nazioarteko sukaldari garrantzitsuenek parte hartzen dute.

Basque Culinary Center erakunde arduratsua da gizarteak aurrez aurre dituen erronkei dagokienez. Garapen Jasangarriko Plan Estrategiko bat du, GJHek markatutako helburuekin lotzen dena. Plan horretan sartzen da, gainera, erakundearen Berdintasun Plana.