Gastronomiaren eta haren balio-katearen munduan nazioartean aitzindaria den erakunde bateko kide izan nahi duzu? Zientzia eta sukaldaritzaren arteko interakzioa interesatzen zaizu? Orduan, proiektu hau ezin hobea da zuretzat! 

Mikrobiologiako laborategia garatzeaz eta mikrobiologiaren eta gastronomiaren arloko berrikuntza- eta ikerketa-lanak eta -proiektuak gauzatzeaz arduratuko zara, eta zure zeregin nagusia honako hau izango da: 

• Sukaldaritzaren eremuan mikroorganismoen erabilerari lotutako ezagutza-ildoa garatzea. 
• Balio handiko harreman instituzionalak identifikatzea eta sustatzea (enpresekin eta beste ikerketa-zentro batzuekin) mikrobiologiaren eta sukaldaritzaren esparruan. 
• Osagaiak diseinatzen eta garatzen laguntzea sukaldaritzako berrikuntzaren arloarekin. 
• Laborategiaren gaitasun teknologikoak handitzea: mikrobiologiako laborategiaren materialak eta beharrak kudeatzea. 

Zure egunerokoa honako hau izango da: 

• Sukaldaritza eta bioteknologia arloen proiektuak diseinatzea eta planteatzea. 
• Proiektuen koordinazioa eta kudeaketa, dokumentazioa, taldearekiko elkarreragina eta bezeroarekiko harremana. 
• Bezeroekiko interakzioa, proposamenak, emaitzak eta abar aurkezteko. 
• BCC-n aldi berean garatzen dituzten diziplina anitzeko proiektuetan laguntzea. 
• Osagai berrien ideietan eta produktu-garapenetan parte hartzea. 
• Bezero potentzialak identifikatzea eta erakartzea.

Identifikatuta sentitzen zara honako ezaugarri hauekin? 

• Gastronomia Zientzietako, Elikagaien Zientzia eta Teknologiako Doktoretza duzu.  
• 3-5 urte bitarteko esperientzia duzu mikrobiologiaren arloko proiektuak kudeatzen. 
• Analisi mikrobiologikoko teknika tradizional eta biologia molekularreko teknika nagusiei buruzko ezagutzak dituzu. 
• Laborategiko teknika aurreratuak ezagutzen dituzu. 
• Pertsonen arteko komunikazioan dituzun trebetasunengatik nabarmentzen zara, bai eta lidergo eta autogestio gaitasunagatik ere. 
• Ingeles maila altua duzu (C1). 

Gure arreta piztuko duzu... 

• Esperientzia duzu berrikuntza ekosistemetan lan egiten.  
• Sukaldaritzari aplikatutako ezagutza zientifiko-teknikoak dituzu. 
• Euskaraz hitz egiteko gaitasun handia duzu (C1). 
• Diziplina anitzeko taldeekin lan egin duzu ingurune dinamiko eta aldakorretan. 
• Desgaitasun-ziurtagiri ofiziala % 33koa edo handiagoa duzu. 

Zer espero dezakezu Basque Culinary Centerretik? 

• Etengabe hazten ari den proiektu aitzindari baten parte izatea, gastronomiarekiko grina handiarekin. 
•  Kontratu mugagabea lanaldi osoan. 
• Konfiantzan oinarritutako giroan lan egitea. Independentzia eta malgutasun handia eskaintzen ditugu, helburuak lortzeari garrantzia emanez. 
• Lan-giro ona izaten parte hartuko duzu. Gure taldeko pertsonez arduratzen gara. 

Gure taldearekin bat egiten duzula sentitzen duzu? Ez izan zalantzarik zure hautagaitza guri helarazteko!