Gastronomian espezializatutako zentro teknologiko bateko laborategi-arloan lan egitea gustatuko litzaizuke? Jarraitu  irakurtzen zer eskain diezazukegun jakiteko! 

Zure zeregin nagusia BCC Innovation Zentro Teknologikoaren ikerketa- eta berrikuntza-prozesuak aurrera jarraitzeko behar diren laginak, entseguak, analisiak eta probak prestatzea izango da, emaitza zehatzak eta fidagarriak bermatzeko. 

Gure lan-ildo nagusiak honako hauek dira: 

• Produktu eta formulazio berriak garatzea eta fisiko-kimikoki eta mikrobiologikoki ezaugarritzea. 
• Gastronomiaren sektoreari lotutako garapen teknologiko berriak aztertzea, elikagaien adierazle fisiko-kimiko eta instrumentalen bidez. 
• Lehengaiak eta azpiproduktuak (nekazaritzako elikagaiak eta HORECA kanalekoak) ebaluatzea, balio gastronomiko handiko produktuetan osagai gisa gehitzeko. 
• Behar espezifikoak dituzten pertsonentzat egokitutako elikagaiak ebaluatzea. 
• Elikagaiak eraldatzeko eta kontserbatzeko prozesuak monitorizatzea. 
• Elikagai-enpresei  produktuak garatzen edo birformulatzen laguntzea.  

Horretarako, honako hauek izango dira zure  zeregin nagusiak:  

• Laginak aztertzea saiakuntza fisiko-kimiko, instrumental eta mikrobiologikoen bidez. 
• Laneko protokolo normalizatuak (LPN) aplikatzea.  
• Laborategiko saiakuntzen emaitzak kudeatzea eta erregistratzea, trazabilitateari eutsita. 
• Metodo analitikoak prestatzea.  
• Inbentarioa kudeatzea: fitxa teknikoak eta lan-jarraibideak egitea, eta mantentze-planak jarraitzea. 
• Laborategiaren antolaketa eta garbitasuna mantentzea. 
• Laborategiko materialaren eta erreaktiboen erosketak kudeatzea. 
• Proiektuen txostenak egiten parte hartzea. 
• Arloko ikerketa- eta berrikuntza-proiektuetan parte hartzea. 

Identifikatuta sentitzen zara ezaugarri hauekin? 

• Goi Mailako Gradua duzu laborategietako lanarekin zerikusia duten arloetan (Analisiko eta Kalitate Kontroleko Laborategia, Kimika Industriala, Elikagaien Industriako Prozesuak eta Kalitatea, Laborategi Klinikoa eta Biomedikoa edo antzeko titulazioak). 
• Aurretiko esperientzia profesionala duzu saiakuntza fisiko-kimikoak eta instrumentalak eta/edo mikrobiologikoak egiten. 
• Kalitate-arauak, laborategiko jardunbide egokiak (BPL) eta segurtasun- eta higiene-arauak ezagutzen dituzu. 
• Taldean lan egitea gustatzen zaizu. 
• Jarrera proaktiboa eta prozesuak ikasteko eta hobetzeko jarrera duzu.  
• Ingeleseko B2 maila duzu. 

 Gure arreta piztuko duzu... 

• Gaiarekin lotutako prestakuntza osagarria duzu. 
• Teknika mikrobiologikoekin eta biologia molekularrarekin lan egiten esperientzia duzu. 
• teknika kromatografikoekin (HPLC) eta espektrofotometrikoekin lan egiten esperientzia duzu 
• Gastro- eta elikadura-mundua gustuko duzu.  

Zer espero dezakezu Basque Culinary Centerretik? 

Konfiantzan oinarritutako giroan lan egitea. Independentzia eta malgutasun handia eskaintzen ditugu, helburuak lortzeari garrantzia emanez. 

Mugagabeko laneratzea lanaldi osoan. 

Etengabe hazten ari den proiektu baten parte izango zara, diziplina eta kultura anitzeko ingurune batean, gastronomiaren munduaren ikuspegi globala izateko aukera emango dizuna. 

Lan-giro ona edukitzeari garrantzia ematen diogu. Gure taldeko pertsonez arduratzen gara. 

Nola eman izena lan-eskaintzan? 

• Lan-eskaintzan izena emateko, Lanbideren bitartez egin behar da: https://apps.lanbide.euskadi.net/apps/OF_DETALLE_OFERTA_TRABAJO?LG=C&ML=OFEMEN1&MS=Eaaa&IDRG=162024012771&CTRG=1

Gure proiektua interesgarria iruditzen zaizu? Helaraz iezaguzu zure hautagaitza. Zure zain gaude!